Os árbitros denuncian a Juanfran polas súas palabras contra Mateu Lahoz
"Mateu fodeume a vida", dixo o xogador tras ser expulsado contra Las Palmas na Copa do Rei. "Expulsan un xogador do Deportivo pero non do Madrid ou o Barcelona", insistiu.
Juanfran, no partido de Copa. Foto: RC Deportivo
O Comité Técnico de Árbitros decidiu este luns denunciar a Juanfran Moreno polas súas críticas a Mateu Lahoz tras ser expulsado no partido de Copa que o Dépor perdeu en Riazor contra Las Palmas.
O futbolista dixo tras acabar o partido que un colexiado expulsa por protestar "a un xogador do Deportivo pero non do Madrid ou o Barcelona". Para insistir en que: "afundiume por querer ser protagonista. Mateu fodeume a vida".
O comité de árbitros, tal e como recolle o diario As, considera que estas palabras "poñen en cuestión a imparcialidade do estamento arbitral, neste caso de Mateu Lahoz".
O órgano encargado de valorar esta denuncia é o Comité de Competición, que previsiblemente sancionará o futbolista con entre 800 e 1.500 euros.
Precisamente, este mesmo luns, o Dépor volve medirse a Las Palmas, pero na Liga. Os homes de Cristóbal Parralo deben reaccionar para virar o rumbo do inicio da tempada.
Juanfran: "Pepe Mel é o mesmo que nos sacou dun momento fodido"
Juanfran fai autocrítica: "Temos que subir o nivel"
Escribe o teu comentario