CaixaBank asegura que o traslado da súa sede social a Valencia non é temporal

Gonzalo Cortázar, na presentación.

O conselleiro delegado de CaixaBank, Gonzalo Gortázar, asegurou este martes que o traslado da sede social da entidade a Valencia "non ten prazos de vixencia e non ten carácter de temporalidade" aínda que non se prevén outro tipo de traslados de relevancia operativa.

Así o manifestou durante a presentación dos resultados do terceiro trimestre 2017 de CaixaBank en Valencia, unha decisión "exclusivamente técnica" que, segundo dixo, tomou o consello de administración para "deixar fóra de toda dubida que a fortaleza de CaixaBank se manterá en calquera escenario e sempre baixo o paraugas da zona euro, do BCE e en igualdade de condicións no xurídico que calquera entidade de España", ante a "intranquilidade" que estaba a xerar a situación de Cataluña entre a súa clientela.

Gonzalo Gortázar fixo, ademais, un chamamento á "tranquilidade" e á "responsabilidade" e aseverou que as contas tanto dos seus clientes como dos seus competidores "están absolutamente seguras dentro e fóra de Cataluña".

Continúa lendo en Catalunyapress.