Pepe Mel, pendente da enfermería para os próximos partidos

O Dépor comeza a súa participación na Copa do Rei o vindeiro xoves, o que supón algo máis de carga de partidos para o equipo, se os resultados acompañan.

Ante os próximos compromisos, Pepe Mel sumará previsiblemente dous efectivos máis para afrontar as previsibles rotacións nos onces.

Adrián e Pedro Mosquera poden chegar ao encontro do luns contra o Xirona na casa, tras o seu parón das últimas semanas, obrigados por problemas físicos.

Ambos adestraron con normalidade co grupo e só están pendentes de recibir a alta médica para quedar a disposición do adestrador.

Os que tiveron que marcarse outro ritmo de traballo foron Fede Cartabia, con molestias que seguramente non lle impidan estar listo xa para este partido de liga, e Emre Çolak.