Un único incendio pendente de extinguir en toda Galicia dos iniciados a fin de semana
Afecta ao municipio lugués de Cervantes. Durante este xoves puideron acabar de apagarse outros 15.
Todos os incendios que afectaron a Galicia nos últimos días están extinguidos menos un no municipio lugués de Cervantes --parroquia de Noceda--, que se atopa controlado.
Así figura no último parte de incendios da Xunta --no que só informa de lumes de máis de 20 hectáreas--, con datos actualizados despis do mediodía.
Os últimos incendios extinguidos son 13 na provincia de Pontevedra --Ponteareas (3), Mondariz, As Neves, Mos, Baiona, A Guarda, Nigrán, Gondomar, Salvaterra de Miño, Salceda de Caselas e Fornelos de Montes-- e dous en Lugo --Monforte e outro en Cervantes--.
A vaga de incendios da pasado fin de semana en Galicia arrasou cunhas 35.500 hectáreas, segundo as estimacións provisionais da Xunta.
Esta cifra supón máis que o queimado entre os anos 2014, 2015 e 2016 xuntos.
Ás 35.500 hectáreas da fin de semana hai que sumar as 12.600 hectáreas que arderon ata ese momento no que vai de ano, o que ofrece un total de 48.100 queimadas en 2017.
Os incendios da fin de semana arrasaron máis que en todo 2014, 2015 e 2016 xuntos
Medio Rural anuncia agora un Plan Forestal que leva catro meses "oculto nos despachos"
A vaga de incendios de outubro demostra o "erro" de centrar os esforzos na extinción
Escribe o teu comentario