Unha faísca provocou un conato de incendio nas Illas Cíes
Crese que puido iniciarse durante uns traballos de roza. Quedou extinguido en dúas horas pero necesitou medios aéreos.
Vista das Cíes. Foto: turismo.gal
Un conato de incendio declarado nas Illas Cíes quedou extinguido a última hora da tarde do xoves tras calcinar 0,15 hectáreas.
Segundo confirmaron fontes da Consellería do Medio Rural, o lume puido iniciarse por unha faísca mentres uns operarios realizaban traballos de roza na zona de Quemadero.
O lume iniciouse pasadas as seis da tarde e quedou controlado 40 minutos despois. Os servizos de emerxencia deron por extinguidas as chamas preto das oito e media. Nas tarefas de extinción participaron un axente, catro brigadas e medios aéreos.
A Xunta di que non detectou ata este agosto o 'overbooking' das Cíes
Máis incendios forestais, pero 600 hectáreas queimadas menos que o ano pasado
Escribe o teu comentario