O proxecto Cinergía, premiado no Festival Iberoamericano da comunicación publicitaria

|

Cinergiagasnaturalfenosa


Cinergía, o proxecto creado por Gas Natural Fenosa para divulgar a eficiencia enerxética a través do cinema, recibiu cinco Soles no Festival Iberoamericano da Comunicación Publicitaria 2017. Concretamente, a terceira edición desta singular iniciativa recibiu, na categoría de Medios, un Sol de ouro como mellor uso de Branded Content e un Sol de prata como mellor campaña integrada.


Así mesmo, na categoría de Contidos de Marca, Cinergía obtivo un Sol de prata para a longametraxe En tu Cabeza, un Sol de prata para o curto Milagros y Remedios e un terceiro metal de bronce para a produción Cabra y Oveja.


"Cinergía, que ten como obxectivo divulgar o aforro e a eficiencia enerxética ao gran público a través do cinema e fomentar o talento na industria cinematográfica do noso país, é unha iniciativa que non deixa de darnos satisfaccións, e na que xa estamos a traballar para contar cunha próxima edición", afirmou o director xeral de Comunicación e Relacións Institucionais de Gas Natural Fenosa, Jordi Garcia Tabernero, tras coñecer estes galardóns.


No marco deste proxecto, que xa chegou á súa cuarta edición, Gas Natural Fenosa produciu 8 curtametraxes e unha longametraxe, dirixidos por algúns dos directores máis recoñecidos do noso país. 


Na primeira edición, baseada no terror, participaron os directores Rodrigo Cortés, Jaume Balagueró, Paco Plaza e Juan Cruz, así como recoñecidos actores e actrices como Terele Pávez, Jose Coronado, Maribel Verdú e Antonio de la Torre, entre outros.


A segunda edición de Cinergía, baseada no humor, contou coa colaboración da produtora El Terrat e a axencia Arena Media participaron os directores Santiago Segura, Isabel Coixet, Paco León, ademais do gañador de certame Talento Cinergía, o estudante Josep Pujol. Nesta ocasión, tamén se sumaron ao proxecto algúns dos actores e actrices máis recoñecidos do noso país, como Carmen Maura, Secun de la Rosa, Anabel Alonso, Enrique Villén e Joaquín Reyes, Silvia Abril, Julián López, Kira Miró, Rodrigo Guirao, e o humorista Andreu Buenafuente.


Para a terceira edición, Gas Natural Fensa presentou a primeira longametraxe de branded content dunha empresa española. A película, cuxo leit moiv foi a "eficiencia ficción", estaba composta por catro curtos entrelazados, escritos polo guionista e director, Daniel Sánchez Arévalo, premiado co Goya ao Mellor Director Novel por 'Azul escuro case negro', e dirixidos por Kike Maíllo, Borja Cobeaga, o gañador do premio 'Talento Cinergía' no festival MadridCortoFest, Alberto Ruiz Rojo, e o propio Sánchez Arévalo.


Recentemente, a compañía lanzou a cuarta edición de Cinergía, coa rodaxe dunha longametraxe dirixida por Isabel Coixet, que conta con catro partes entrelazadas e conclusivas en si mesmas.


DIFUSIÓN E ÉXITO


As producións das tres primeiras edicións do proxecto lograron en total máis de 53 millóns de visualizacións, en televisión e internet.


A iniciativa xa foi premiada na pasada edición do Festival Iberoamericano da Comunicación Publicitaria, con tres Soles, e na anterior, cun. Ademais, entre os últimos galardóns concedidos a Cinergía figuran o gran premio de contidos de marca no último festival iberoamericano de publicidade e os ouros en Branded Content e Campañas Transmedia dos premios Inspirationales de IAB.


Cinergía conseguiu ademais unha Prata e Bronce na categoría de medios dos premios eficacia da Asociación Española de Anunciantes e o Premio CultHunting polo mellor proxecto corporativo vinculado coa arte e a innovación. Ademais, logrou galardóns nos Sitges Next 2016 na categoría Branded Content, o Premio da Fundación do Círculo de Economía, o Premio Valores da XXI edición dos Premios Zapping da Asociación de Consumidores de Medios Audiovisuais de Cataluña e un dos Premios ás 100 mellores ideas de Actualidade Económica.


COMPROMISO COA CULTURA E O CINEMA


Gas Natural Fenosa mantén un "compromiso de colaboración coa sociedade e en especial co mundo do cinema", indican nun comunicado, a través do seu apoio aos principais festivais e salas de proxección do país. A compañía patrocina o Festival de Málaga, Cine en Español, o Festival de San Sebastián, o Sitges-Festival Internacional de Cine Fantástico de Cataluña, a Madrid Premiere Week, os premios FEROZ® da crítica e o Festival de Cine Internacional de Cartaxena, así como máis de 40 salas de cinema da rede Cinesa en España que levan o nome de Gas Natural Fenosa. 

relacionada Gas Natural Fenosa calcula un investimento de 700 millóns derivado da poxa de renovables
relacionada Gas Natural Fenosa convoca 15 bolsas de formación en exportación para a Pompeu Fabra
relacionada Gas Natural promove a eficiencia enerxética entre os escolares

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress