Fede Valverde aterra "motivado, con ganas de xogar o domingo"
Tras marcar coa súa selección, o xogador agarda ter un oco no once. Agradece aos novos compañeiros que lle axudaran a adaptarse.
Fede Valverde, no adestramento. Foto: RC Deportivo
O Dépor completou o seu primeiro adestramento con todos os efetivos dispoñibles tras o parón polos partidos das seleccións nacionais. Os últimos en chegar foron Celso Borges e Fede Valverde.
O uruguaio compareceu ante a prensa tras a sesión, onde declarou que cumpriu un soño ao marcar coa súa selección: "conseguín o que ía buscar a Uruguai e agora toca esforzarme aquí no Dépor". O xogador, cedido polo Real Madrid, asegurou atoparse "con moitas ganas, motivado, con ganas de xogar o domingo, esperemos a ver se o míster me pode poñer".
Fede Valverde destacou o ambiente entre os compañeiros que lle axuda a adaptarse, desde a estancia de pretemporada en Vilalba. "Estou moi agradecido a eles, son tímido, cústame moito e creo que eles me adaptaron moi ben".
O Dépor supera a cifra de socios da tempada pasada
Pantilimon xa coñece os compañeiros: "Andone só me falou cousas boas"
Escribe o teu comentario