Gonzalo Caballero acusa a xestora do PSdeG de exceder as súas competencias

|

Gonzalocaballero 3


Gonzalo Caballero, unha das tres persoas que anunciaron a súa intención de concorrer ás primarias do PSdeG, advertiulle á xestora que lidera Pilar Cancela de que non lle compete convocar os procesos de renovación do partido, de modo que reclamou que o Comité Nacional perfile as normas da competición.


En declaracións a Europa Press, o vigués lembrou que os estatutos do PSdeG establecen claramente que convocar o congreso é unha das competencias deste órgano, de modo que invocou o cumprimento das normas para sustentar a súa petición.


Outro dos argumentos que esgrimiu para requirir que se reúna o máximo órgano do partido entre congresos é a importancia de fomentar a "participación" da militancia, tendo en conta que o Comité Nacional está composto por unhas 400 persoas de todas as agrupacións.


Finalmente, acudiu á necesidade de garantir a limpeza dos procesos, nun momento en que ve a "neutralidade" da xestora "en cuestión" tras a difusión de mensaxes dun dos candidatos, Juan Díaz Villoslada, desde a conta oficial do PSdeG en Facebook.


Por todo iso, Gonzalo Caballero concluíu que "o Comité Nacional do PSdeG é o órgano adecuado para establecer as condicións" nas que se ha de desenvolver a competición orgánica, tanto nas primarias coma no congreso, sen que poida existir ningunha "dúbida de parcialidade" sobre o proceso.


MÁIS DUN ANO SEN CONVOCAR


Tras facer fincapé en que o feito de que o Comité Nacional decida as normas do congreso e as primarias garantiría a súa "neutralidade", subliñou que a xestora "debe cumprir co establecido" nos estatutos do partido.


Neste sentido, lembrou que hai máis dun ano que non se convoca este órgano (desde marzo do ano pasado), que debe reunirse un mínimo de tres veces ao ano a instancias da executiva socialista.


A nivel federal, a xestora que conducía o asturiano Javier Fernández levou ao Comité a súa proposta de calendario de primarias e congreso; procesos celebrados entre os pasados meses de maio e xuño e nos que resultou de novo vencedor Pedro Sánchez.


Así pois, Gonzalo Caballero trasladarálle á xestora que emule este procedemento e siga os pasos fixados nos estatutos para acometer a renovación do PSdeG.

relacionada Á candidatura de Gonzalo Caballero non lle valen as desculpas da xestora
relacionada Leiceaga acusa a xestora de favorecer a Villoslada nas redes sociais
relacionada Leiceaga e Villoslada piden "xogo limpo" na carreira por liderar o PSdeG
relacionada Gonzalo Caballero comeza a presentar a súa candidatura aos militantes do PSdeG

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress