Fernández Gayoso abandona a prisión da Lama
O xuíz concedeulle a liberdade ao ex presidente de Novacaixagalicia a cambio de que este traballe desinteresadamente para unha fundación.
Gayoso cumpriu menos de sete meses de condena.
Julio Fernández Gayoso saíu esta mañá da prisión pontevedresa da Lama, onde cumpría condena desde o pasado 15 de xaneiro.
O ex presidente de Novacaixagalicia foi condenado no mes de xaneiro a dous anos de cárcere por un delito de apropiación indebida, durante a súa xestión á fronte da entidade financeira rescatada.
A súa posta en liberdade está condicionada a que Gayoso faga traballos para a Fundación Érguete, tal e como dita o auto do xuíz da Audiencia Nacional que lle concede a liberdade.
A decisión tomouna a final do mes de xullo, pero o ex banqueiro tivo que esperar ata esta mañá para poder saír.
Escribe o teu comentario