O PNV defende que a Constitución recoñeza ao pobo vasco, galego e catalán como "suxeitos políticos"

|

JosebaegibarpnvJoseba Egibar cre necesario "un cambio de status político".


O presidente do GBB do PNV e portavoz parlamentario, Joseba Egibar, afirmou que unha reforma da Constitución como a que expón o PSOE debe recoñecer ao pobo vasco, catalán e galego como "suxeitos políticos".


En declaracións a Radio Euskadi, recollidas por Europa Press, o dirixente jeltzale sostivo, ademais, que existen ancoraxes xurídico-políticas que permitirían "un cambio de status político".


Cuestionado pola pretensión do PSOE de levar a cabo unha reforma da Constitución, Egibar instou aos socialistas a que, se esa é a súa proposta, deberían "entrar a un nivel de profundidade de configuración de novos suxeitos políticos na estrutura do Estado español" de tal forma que poidan xurdir os "suxeitos políticos pobo vasco, catalán e galego" e que desa configuración pode resultar "unha relación de convivencia política pacífica".


Ao seu xuízo, o PSOE busca na actualidade "tarde e mal" unha solución a Cataluña "pensando que se pode retrotraer no tempo a 2004 coma se a historia tivese moviola, pero atópase unha situación complicada e que non controlan".


"Para unha reforma Constitucional fan falta maiorías cualificadas. Fálanse de definicións, nación de nacións, estado plurinacional... pero coa advertencia sempre de que a soberanía é única e indivisible e, a partir de aí, son moi difíciles as fórmulas que permitan garantir esa convivencia en paz de comunidades políticas. Se non partes do recoñecemento de feitos nacionais dificilmente atoparás unha fórmula de equilibrio", engadiu.


"Os vascos contamos cunha paz fiscal e a futuro aspiramos a unha facenda propia plena. Neste momento pagamos un Cupo e esperamos un escenario no que teñamos que pagar un Cupo cero porque teremos unha configuración de estrutura política propia", engadiu.

relacionada O BNG, blindado ao redor de Pontón, proponse construír "o nacionalismo do S. XXI"
relacionada O nacionalismo galego usará o 25 de xullo para apoiar o 1-O catalán

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress