A nai das nenas asasinadas en Moraña pregunta: "Que outra pena merece?"

|

PrisioncarcelRecolle firmas a favor da prisión permanente revisable.


A nai das nenas de Moraña asasinadas polo seu pai en xullo de 2015, Rocío Viéitez Ferro, iniciou unha recollida de firmas, que xa acumula máis de 2.000 apoios, para que se manteña en vigor a prisión permanente revisable: "Unha persoa que comete un delito desta índole, que outra pena merece?".


O pai das pequenas Amaia e Candela, David Oubel Renedo, recoñeceu durante o xuízo celebrado a principios de xullo a súa culpabilidade e pediu perdón, tras o cal foi condenado en firme pola Audiencia Provincial de Pontevedra á pena de prisión permanente revisable, a primeira condena destas características que se dita en España.


Ante a controversia xerada por esta pena e as voces que piden derrogala, a nai das nenas, que tiñan catro e nove anos de idade cando foron asasinadas, empezou a recoller firmas a través da plataforma Change.org.


"O meu nome é Rocío Viéitez Ferro e son a nai das vítimas. E neste asunto en cuestión mostro o meu total rexeitamento pola decisión dalgúns de solicitar a derrogación desa pena", remarcou, a colación do que incidiu en que "cada persoa é responsable dos seus actos" e, por tanto, debe afrontar as súas responsabilidades.


"David Oubel debe asumir a condena que lle foi imposta por un delito maior que se axusta por completo á pena que lle foi imposta", manifestou a nai, que apuntou que en todo caso esta pena contempla que o reo poida saír de prisión se "mostra signos de reinserción".


"SEN ESCRÚPULOS"


A maxistrada da Audiencia Provincial de Pontevedra María Nélida Cid, que presidiu o Tribunal do Xurado que xulgou o parricida de Moraña, xustificou a pena de prisión permanente revisable por "o plus de culpabilidade que supón a execución do feito delituoso contra as persoas unidas por esa relación de parentesco ou afectividade que o agresor despreza".


Ademais, apoiouno en que se trata de "uns feitos caracterizados pola súa gravidade, revelando no acusado perigo e carencia dos mais elementais valores e escrúpulos"; motivo polo que, coincidindo "plenamente" co xurado popular, informou desfavorablemente do indulto total ou parcial do acusado.


A sentenza transcribe e argumenta o fallo que a maxistrada xa ditou 'in voce' o pasado 6 de xullo.

relacionada A nai das nenas de Moraña: "O asasino debe cumprir toda a súa condena"
relacionada David Oubel non cumprirá a súa condena nun cárcere galego
relacionada David Oubel non cumprirá a súa condena nun cárcere galego

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress