Rescatan un home ferido nunhas pozas dun río na Pobra
Os efectivos de emerxencias tiveron que trasladalo desde a zona de piscinas naturais ata onde esperaba a ambulancia.
A ambulancia non podía chegar á zona do rescate. //Foto: @BomberosBoiro
Os efectivos de emerxencias rescataron este venres un home que resultou ferido despois de caer nunha zona de piscinas naturais do río Pedras, na Pobra do Caramiñal.
Unha particular chamou ao 112-Galicia ás 17,50 horas para informar dos feitos. Enseguida, deuse aviso aos Bombeiros de Ribeira e de Boiro, a Protección Civil e á Garda Civil, así como a persoal do 061.
Unha vez no punto, os efectivos sanitarios solicitáronlle axuda ao 112 para rescatar a vítima. Os efectivos de emerxencia encargáronse de trasladar ao home desde a zona das pozas ata o lugar no que xa estaba a esperar por el unha ambulancia.
Sae ileso tras precipitarse ao río por un desnivel de dous metros en Caldas de Reis
Atopan nun río de Lalín o corpo dun nonaxenario desaparecido
Escribe o teu comentario