Veciños reclaman a varios municipios que se declaren libres de eólicos

O venres haberá debate sobre isto no pleno de Ordes, pero a Plataforma crítica cos muíños aspira a trasladar o debate a outros municipios de Galicia.

Alfanar Group ten un acordo con Green Capital Group para construír eólicas

A Coordinadora contra a Implantación de Parques Eólicos na Comarca de Ordes chama a todas as forzas políticas municipais con representación en ese Concello para que exerzan "con responsabilidade as súas funcións e no pleno municipal que terá lugar este venres, 1 de xuño, ás oito da tarde, declárese por unanimidade este Concello como libre de parques eólicos".

CAPITAL SAUDITA

Tal  e como adiantou Galiciapress, Green Capital Power aspira a construír unha serie de parques eólicos en Galicia ao amparo da nova normativa, que os ecoloxistas bautizaron como Lei de Depredación de Galiza. A empresa do xenro de Florentino Pérez conta con capital saudita para lanzar os proxectos de Ardemil, Monte Inxerio, A Pobra, Gasalla e Lavandeiras.

Para opoñerse a eles, din que os parques non cumpren "as obrigacións de distancia de 500 metros dos núcleos rurais". A Plataforma pide que Frades, Mesía, Ordes e Oroso  leven a pleno textos tamén contra as estacións.

Na súa opinión, urxe reformar xa o Plan Eólico de Galicia e que a Consellería de Economía, Emprego e Industria elimine estes concellos do citado Plan.