Levy Mandinda, terceira baixa na 'operación saída' do Celta
O centrocampista gobonés fichou polo Asteras Tripolis FC grego para as próximas tres tempadas.
//www.asterastripolis.gr
O Celta de Vigo segue alixeirando o seu persoal. Tras a marcha de Carles Planas e a cesión de Théo Bongonda, Levy Madinda rescinde o seu contrato e marcha para o Asteras Tripolis grego, no que xogará as próximas tres tempadas, segundo informan varios medios e puidemos comprobar nas redes sociais do equipo da Superliga grega.
O xogador probará sorte fóra de España despois dun ano e medio no que estivo cedido en dúas ocasións no Nástic de Tarragona. O Celta garda silencio pero Madinda xa pousou coa elástica do seu novo club e mesmo fixo declaracións, segundo informa La Voz de Galicia.
Escribe o teu comentario