Varios Concellos limitan o consumo de auga para previr restricións no verán
O nivel baixo dos encoros preocupa, polo que varios alcaldes solicitaron captacións de auga para garantir a subministración.
Máis vale previr que curar. Este foi o principio que rexeu a actuación numerosos concellos galegos que emitiron bandos limitando o consumo de auga no enchido de piscinas e mesmo lavado de coches co fin de evitar restricións nos meses de xullo e agosto. A decisión vén determinada polo baixo nivel de ríos e encoros que afecta seriamente a comarcas como A Limia, moi castigada pola seca, ou Valdeorras, entre outras nas provincias de Pontevedra e A Coruña. Só Lugo parece estar a salvo da seca.
Varios destes concellos solicitaron de forma paralela novas captacións de auga para atender a demanda deste verán. É o caso de Ribadavia, O Porriño, Sobrado, O Rosal ou Ares, segundo publica La Voz de Galicia. Todo iso en previsión da chegada de turistas no verán e o aumento da demanda de auga durante a época estival.
Escribe o teu comentario