Investigado un veciño de Chandrexa de Queixa por cinco incendios forestais intencionados
Segundo a Garda Civil, trátase dun home de 64 anos que pretendía limpar maleza e rematou queimando máis de 3 hectáreas.
O Equipo de Investigación de Incendios da Garda Civil, en colaboración co axente forestal do distrito 13, tomou declaración en calidade de investigado a un veciño de Chandrexa de Queixa por cinco lumes forestais intencionados.
Segundo informou o Instituto Armado, o individuo G.C.N., de 64 anos e veciño de Chandrexa de Queixa, como presunto autor de cinco incendios forestais intencionados por causa relacionada con limpeza de maleza.
Os lumes ocorreron, segundo engaden as mesmas fontes, entre os días 10 de marzo e 29 de abril e resultaron queimadas 3,15 hectáreas de monte baixo e arboledo.
As dilixencias instruídas en relación con estes feitos foron remitidas ao Xulgado de Instrución de Trives (Ourense).
A CIG denuncia que hai un 40% de vacantes nas brigadas contraincendios de Lugo
Alertan dunha estafa en Ourense de ofertas de emprego falsas para o servizo contra incendios
Escribe o teu comentario