O PSdeG tilda o novo mapa de transporte da Xunta de "irracional" e "improvisado"

Raúl Fernández di que o Goberno galego ofrece "gato por lebre" ao presentar un plan que resulta "mero voluntarismo". 


|

Psoeraulfernandez


O voceiro de Territorio do Grupo Socialista, Raúl Fernández, criticou o plan de transporte de viaxeiros presentado pola Xunta e elaborado, denunciou, "sen ter en conta aos concellos nin as necesidades dos usuarios".


Ao tempo, nun comunicado, avanzou unha serie de iniciativas parlamentarias para levar á Cámara o debate sobre "un plan improvisado" que demostra "a incompetencia manifesta" da Xunta.


O responsable socialista sinalou que o plan resulta "absolutamente irracional" ao ignorar "a participación dos axentes que coñecen as necesidades reais do transporte".


"Ningún concello sabe a día de hoxe que quere facer a Consellería no municipio nin como quere ordenar a mobilidade", reflexionou, antes de criticar o "absoluto abandono do transporte de viaxeiros, que culminou "coa previsible sentenza do Tribunal Supremo declarando ilegal a prórroga das concesións por dez anos aprobada polo PP en 2010".


Segundo Raúl Fernández, o Goberno galego ofrece "gato por lebre" ao presentar un plan que resulta "mero voluntarismo" cando "tiña anunciada unha lei de mobilidade", e que sitúa "na incerteza" aos usuarios, aos concellos, ao sector e ás 5.000 familias que dependen do transporte de viaxeiros.

relacionada O sector do transporte de viaxeiros convoca folga indefinida desde o día 20
relacionada O novo mapa do transporte público "duplicará" o número de viaxes en Lugo
relacionada En Marea rexeita o mapa de transporte que insiste na "desconexión" rural

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE