Veciños de Friol e Guitiriz volven manifestarse outro domingo máis
Non cesan na súa reclamación de ter de volta nas súas parroquias o párroco trasladado, a "onde el mesmo quere estar".
Veciños de Friol e Guitiriz volveron manifestarse este domingo na parroquia de Lea (Friol) para reclamar ao Bispado de Lugo a volta do seu párroco, José Ramón Pérez.
Segundo indicaron os veciños nun comunicado, á concentración asistiron unhas 250 persoas, que demandaron, unha vez máis, ao bispo de Lugo que "recapacite e reconsidere a opción de retornar a Don Ramón a Friol". "É onde os veciños queren que estea, [...] e é onde el mesmo quere estar", aseguraron.
Nesta concentración deuse conta das accións levadas a cabo na visita do papa a Fátima, coa entrega da carta explicativa. Con todo, varios integrantes da plataforma desprazaranse ao Vaticano no próximo mes de xuño.
Os veciños de Friol conseguen entregar a súa carta ao Papa en Fátima
O cura trasladado de Friol e Guitiriz renuncia ao seu novo destino
Escribe o teu comentario