Feijóo anuncia unha lei de augas termais para a provincia de Ourense

Insiste no compromiso co sector a través dun Plan de turismo termal, enmarcado dentro do turismo de saúde. 


|

Visitabalneariofeijoo


O presidente da Xunta, Alberto Núñez Feijóo, afirmou que o Goberno galego remitirá ao Parlamento unha lei de augas termais de uso lúdico para "definir, organizar e ordenar" todas as capacidades do sector e poñelo en valor.


"Unha lei que permitirá planificar termalmente a provincia de Ourense", sentenciou, durante unha visita ás instalacións do balneario Caldas de Partovia, no Carballiño.


O titular da Xunta referiuse ao termalismo como un modelo de "calidade, estable, descentralizado e desestacionalizado". "Calidades todas que nos configuran como destino único", asegurou, antes de lembrar que Galicia é a comunidade con máis balnearios, un negocio que move case 60 millóns e xera máis de 1.200 empregos directos.


Feijóo insistiu no compromiso co sector, a través do Plan de turismo termal, unha estratexia que recolle as liñas fundamentais para o desenvolvemento do sector: para planificar, para facer infraestruturas termais, para integrar produtos termais, para potenciar o coñecemento neste ámbito e para promover o termalismo.


Así mesmo, subliñou que, nestes dous anos, este plan permitiu levar a cabo actuacións como a recuperación de balnearios abandonados ou a conversión da fortaleza de Monterrei en parador; e obras de rehabilitación e acondicionamento como as do Mosteiro de San Clodio en Leiro, a ampliación das termas en Lobios e unha piscina termal nas Laias.


"Tamén crearemos o Club do Produto Turístico da Auga de Galicia e seguiremos traballando no Plan de turismo de saúde de Galicia", abundou.

relacionada Rutas para peregrinos e termalismo, novos itinerarios dos trens turísticos de Renfe
relacionada As augas termais melloran "máis do 70%" das doenzas reumatolóxicas
relacionada Ourense, referencia do termalismo europeo

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE