Repsol renova o seu facho na Coruña con manobras de enxeñería a gran altura

A refinería de Repsol na Coruña acaba de substituír o actual 'tip' ou queimador por un novo. As manobras que levaron esta actuación foron unha das actuacións máis singulares da parada da área de Combustibles xa que require traballos a gran altura por encima dos 100 metros e a utilización de dous guindastres de 300 e 500 toneladas cunha altura de pluma de 140 metros.

O sistema de facho é imprescindible para a seguridade e protección ambiental e a súa función principal é asegurar 24 horas ao día a descarga de gases procedente das unidades en calquera suposto de operación e eliminar de maneira controlada os fluídos non reutilizables que foron a parar a ela. Por esta razón, nunha parada é a última unidade en parar e a primeira en arrincar; marcando o ritmo da parada.

As actuacións de mantemento e renovación do facho son un dos principais traballos da parada, que para a área de Servizos Auxiliares, na cal está integrado o sistema de facho, ten unha carga de traballo en de 14.000 horas/persoa dentro do total de 310.000 horas/persoa previstas no conxunto da parada.

Os traballos desenvolvéronse en distintas fases de actuación que se iniciaron o 14 de marzo e concluirán a principios de abril.

O facho é un dos dous existentes no Complexo Industrial e data de 1990, mide 120 metros de altura, dos que 4 metros son da súa parte máis alta chamada tip ou queimador, que se cambia en cada parada programada, aproximadamente cada 5 anos.

Na área de combustibles atópanse as unidades de cabeza dentro do esquema da refinería. É onde se recibe e se procesa o cru para que nas unidades augas abaixo se obteñan os compoñentes para formulación de LPG´s, gasolinas, keroseno e gasóleo. Nesta área obtéñense tamén fraccións máis pesadas que serven como alimentación ás unidades de Conversión.