Villares reduce a "anécdota" a lea na asemblea de Anova
Asegura que o ocorrido non fai xustiza ao que é o espazo de confluencia de En Marea, "un espazo de fraternidade".
O portavoz parlamentario de En Maera, Luís Villares, reduciu a rifa do pasado sábado na asemblea de Anova en Pontevedra a "unha cuestión de carácter anecdótico" e incidiu en que o espazo de confluencia debe ser "de fraternidade" e "de exemplo".
En declaracións aos medios antes de participar nunha manifestación de traballadores de Pescanova, Villares recalcou que o ocorrido nesa asemblea "non fai regra do que é o espazo de confluencia" de En Marea, que é "un espazo de fraternidade".
"O espazo de fraternidade debe ser un espazo de exemplo e nós temos que estar preocupados polos problemas da xente, achegando alternativas ao noso país, que é o que estamos a facer", sentenciou.
Villares reiterou que o incidente do sábado en Pontevedra debe quedar "no espazo da anécdota", e lembrou que Anova "xa tomou medidas disciplinarias en relación a esa xente".
Xeira descúlpase e aparta aos militantes implicados na rifa da Asemblea de Anova
Máis do 80% de Anova referenda a candidatura de Antón Sánchez
Beiras anima aos dirixentes de En Marea a facerse "cargo do asunto" sen mentores
Escribe o teu comentario