Ence dá marcha atrás na súa promesa de construír unha planta de biomasa de Pontevedra

|

Ence 14


Ence Enerxía e Celulosa anunciou que a nova planta de biomasa desenvolverase en Huelva, dentro do negocio de enerxía, co cal Pontevedra queda sen esta factoría, inicialmente prevista cun investimento de 74 millóns de euros.


Segundo informou a compañía a Europa Press, "Ence non renuncia á planta de biomasa de Pontevedra", pero puntualizou que "a tramitación dos permisos desta instalación" estima "que durará uns dous anos, polo que a súa entrada en funcionamento quedará fóra do horizonte do plan estratéxico actual".


Na súa actualización, a compañía pasteira informa da redución en 49 millóns --de 173 a 124-- dos investimentos previstos na fábrica de Lourizán.


Tamén sinala, na súa comunicación á Comisión Nacional do Mercado de Valores (CNMV), que haberá 12 millóns para o incremento de capacidade na planta de Lourizán: pasará de 30.000 a 70.000 toneladas en dúas fases, segundo indica.


A maiores, dá conta da intención de reducir a expansión de capacidade en Navia en 20.000 toneladas --de 100.000 a 80.000-- e da diminución de custos e melloras de eficiencia en ambas as fábricas --tanto en Pontevedra como en Navia--, así como o incremento de "a excelencia ambiental" nesta última.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress