Renfe considera "desproporcionada" e "inxusta" unha sanción imposta por Competencia
A CNMC casitiga a Renfe Mercancías con case 65 millóns de euros por prácticas "corrixidas voluntariamente". A operadora ferroviaria recorrerá a multa.
Renfe considerou "desproporcionada, inxusta e inútil" a sanción imposta pola Comisión Nacional dos Mercados e a Competencia (CNMC) e anunciou que recorrerá a multa ante a Audiencia Nacional.
En concreto, Renfe Mercancías, a través dos seus servizos xurídicos, presentará recurso contra a sanción de 64,9 millóns de euros imposta pola sala de Competencia da CNMC por supostas prácticas contrarias ao dereito á competencia.
A operadora considera que esta sanción é "desproporcionada" para unha empresa, Renfe Mercancías, que factura 215 millóns de euros, ademais de "inxusta e inútil", en tanto que as prácticas denunciadas xa foron corrixidas voluntariamente.
As supostas prácticas obxecto da sanción, segundo explica a compañía, remóntanse ao ano 2008 e deron orixe á apertura dun expediente en marzo de 2014.
O novo equipo de Renfe deseñou unha estratexia de xestión na sociedade Renfe Mercancías a implantar no período 2017-2019 para seguir operando nun mercado liberalizado.
Un millón de viaxeiros subiron na liña Galicia-Madrid no último ano
Renfe contrata autobuses e taxis para levar por estrada os pasaxeiros
Escribe o teu comentario