As vacinas contra a meninxite seguen chegando ás farmacias "a contagotas"

|

Vacunameningitis


O presidente do Colexio de Farmacéuticos de Lugo, Alejandro Sánchez Pérez-Mel, confirmou que segue o "desabastecemento" de vacinas contra a meninxite que, segundo asegura, chegan a "contagotas" á provincia e supoñen unha dose para cada tres boticas das 183 farmacias en Lugo.


Sánchez Pérez-Mel vinculou que se acentuou esta escasa subministración "como consecuencia de que os laboratorios fabricantes están a ter problemas na fabricación de dous lotes destas vacinas". "Co cal as unidades que chegan ao mercado nacional van ser inferiores ao que cabía esperar", apostilou.


Con respecto a 2016, comentou que o que se recibe nas farmacias "é a terceira parte". "Se xa antes non nos daba para abastecer as necesidades da poboación, agora dános moito menos", sostivo.


Nesta liña, Pérez-Mel constatou que "agora mesmo non hai para repartir entre todas as oficinas de farmacia da provincia (183) e hai algunha que queda sen elas".


Así, puntualizou que "máis ou menos chegaba unha (vacina) á semana, para cada farmacia, e agora repártese unha entre cada tres oficinas de farmacia".

relacionada Malestar social e político polos bandazos coa vacinación infantil
relacionada Ingresada unha profesora de infantil de Ferrol con meninxite

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress