Malestar social e político polos bandazos coa vacinación infantil
O PSdeG denuncia que a Xunta se rexe unicamente por "criterios de dispoñibilidade" e non "clínicos" para alterar o calendario.
O deputado do PSdeG Julio Torrado anunciou que levará á Cámara a "errática" e "variable" política da Xunta co calendario de vacinación.
Así o dixo en referencia á limitación da vacina da tose ferina e á falta de subministración e eliminación da inxección contra a meninxite B, ás que agora se suma a limitación da aplicación da do tétanos-difteria.
A xuízo do portavoz de Sanidade do PSOE no Parlamento, o que "causa maior desagrado" é a sensación de que as alteracións nas vacinas "están suxeitas unicamente a criterios de dispoñibilidade por parte das farmacéuticas" e que, por tanto, responden máis "a criterios empresariais" que "clínicos".
Escribe o teu comentario