A UVigo tentrá unha reitora por primeira vez: Carmen García e Belén Rubio mediranse na segunda volta

Este mércores tiñan lugar as eleccións ao reitorado da Universidade de Vigo e, aínda que o resultado non determinou un gañador, si se pode sacar unha lectura clara do proceso: o próximo ocupante da cadeira de brazos do reitorado da UVigo será unha muller por primeira vez na historia da universidade. O man a man determinará se Carmen García Mateo ou si Belén Rubio acompañan a Rosa Crujeira na historia, xa que a de Ribeira foi en abril investida como reitora da USC, a primeira de Galicia, tras superar a Maite Flores en segunda rolda. 

UNHA COUSA DE DÚAS

A cara a cara entre García Mateo, da candidatura Nós-Universidade, e Rubio, da candidatura H2040, decidirase despois de que ningunha das dúas aspirantes lograse alcanzar o 50% dos apoios nunha votación moi dividida. 

Con máis do 95% dos votos escrutados, ningún dos tres candidatos obtivo maioría. A candidatura de Consenso, encabezada por Jacobo Porteiro, foi a que quedou na cuneta, ao lograr menos do 30% das papeletas. 

Na segunda volta, prevista para o día 15 deste mes, García Mateo parte cun punto de vantaxe, ao obter o 39,3% dos votos, cinco puntos máis que Rubio, co 34,4% dos votos emitidos. A que sexa capaz de convencer aos votantes de Porteiro de que a súa é a mellor opción para liderar a universidade será a que decante a balanza.