Pontevedra contará desde o martes cun novo punto fixo de doazón

|

Donacionsangre


A Axencia de Doazón de Órganos e Sangue (ADOS) poñerá este martes, 21 de febreiro, en funcionamento o novo punto fixo de doazón de sangue para a cidade de Pontevedra.


Segundo informa a entidade, o local de atención permanente ao doante de sangue situarase na praza do Hospital Provincial, á beira do novo aparcadoiro, unha localización céntrica e de fácil acceso para os cidadáns "que mellora o servizo que ADOS presta aos veciños" de Pontevedra.


O novo local de ADOS no Hospital Provincial de Pontevedra conta cunha superficie de case 75 metros cadrados, o que incrementa un 50 por cento o espazo con respecto ao anterior e dispón de tres postos de doazón que permitirán doar polo modo convencional e polo sistema de aférese.


O novo local, segundo explica ADOS, situado nun módulo situado á beira do aparcadoiro do centro hospitalario, conta cun "adecuado sistema de illamento" e está dotado de calefacción e aire acondicionado, "para garantir o máximo confort e comodidade tanto para os doantes como para os profesionais sanitarios que desenvolven o seu labor neste punto".


A dirección de ADOS valora as achegas dos doantes e fixo un recoñecemento aos veciños de Pontevedra pola súa "elevada participación nas campañas de doazón", xa que, durante o ano 2015, realizaron 3.836 doazóns de sangue, que situaron a este municipio como o terceiro de maior índice de participación entre as sete cidades galegas.

relacionada O Chuac rexistrou en 2016 a taxa máis alta de negativas familiares á doazón

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress