Os teleoperadores volven á folga
Segundo a CIG, os traballadores "acumulan perdas desde 2009 equivalentes a unha paga" e non conseguiron acordo coa patronal na mesa do convenio.
A CIG convocou para este luns unha nova xornada de folga e mobilizacións nos centros de chamadas de Galicia. Nos casos de Extel, Atento e Abante conta co apoio da CGT.
Diso deu conta a central sindical a través dun comunicado, no que explicou que se chega a esta situación ao non alcanzar acordos coa patronal na mesa do convenio.
En concreto, segundo a CIG, as propostas de subida salarial supoñían "unha nova perda de poder adquisitivo" para os teleoperadores, que xa "acumulan perdas desde 2009 equivalentes a unha paga".
Neste escenario, o sindicato fixo un chamamento para participar na folga e nas concentracións convocadas nas catro provincias.
Xornada de folga para presionar pola "derrogación total da LOMCE"
Os estibadores non farán folga a próxima semana
Folga xeral educativa o 9 de marzo contra a LOMCE e por un pacto "social"
Escribe o teu comentario