O CHUS lamenta a morte dunha muller no corredor de urxencias "que fora atendida"

|

CHUS


A Xerencia de Xestión Integrada de Santiago lamentou o falecemento, o pasado día 8 de febreiro, dunha muller de 92 anos nos corredores de urxencias do Hospital Clínico que, segundo indicou, fora previamente atendida e "estábaselle preparando unha localización adecuada ao seu estado agónico".


"A paciente fora previamente atendida polo seu médico de atención primaria, quen emitiu un informe no que explicaba o seu situación agónica e solicitou o traslado da paciente ao Servizo de Urxencias do Hospital Clínico a instancias da familia", asegurou a Xerencia.


Despois de coñecerse que o sindicato CESM-OMEGA trasladou unha denuncia por este caso á Fiscalía, a Xerencia explicou que a muller "desgraciadamente faleceu tras ser atendida en Triaxe, onde se confirmou a sospeita diagnóstica do médico de familia, mentres se lle preparaba unha localización adecuada ao seu estado agónico".


Ademais, destacou que o Servizo de Urxencias do Hospital Clínico conta coa "totalidade dos recursos humanos do seu cadro de persoal activo" e "mesmo segue reforzado con novas contratacións específicas a maiores desde que empezou a onda de gripe".


De feito, insistiu en que se realizaron 784 contratacións de persoal sanitario (facultativos e persoal de enfermería) e 420 non sanitario (celadores) tanto en Urxencias como nas plantas de hospitalización que o necesitan. Ademais, sinalou que "todas as infraestruturas e camas están dispoñibles e son utilizadas en función das necesidades diarias".


Neste sentido, asegurou que o pasado día 8 "había camas dispoñibles para hospitalización" e "todos os pacientes que o necesitaron tiveron asignada a súa cama dentro dos tempos que marcan os estándares de calidade da Semes".

relacionada Pediatras do CHUS participan nunha investigación sobre infeccións respiratorias graves
relacionada Habilitan 30 camas no Meixoeiro para aliviar o colapso do HAC
relacionada SOS Sanidade Pública, ante os colapsos: "Non é a gripe, son os recortes"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress