Doce mortes na última semana elevan a 78 os falecidos por gripe en Galicia

|

Gripe


As persoas falecidas con gripe na Comunidade galega aumentaron de 66 a 78 na quinta semana --que terminou o 5 de febreiro--, segundo os datos do informe 'Vixilancia da gripe en Galicia' publicados este mércores polo Sergas, o que supón doce mortos máis co virus.


Segundo o último informe, desde o principio da tempada de gripe declaráronse 1.504 ingresos co virus da gripe confirmada en hospitais da Comunidade galega.


Do total de ingresados con gripe confirmada, segundo explica o Sergas no seu último informe, necesitaron asistencia na UCI o 6,5 por cento.


Ademais, concreta que o 91,9 por cento tiña algún factor de risco para ter unha gripe complicada e deles, o 45,1% non estaba vacinado. O número de ingresos declarados para esta última semana recollida no informe foron 191, fronte aos 240 da anterior.


No que vai de tempada, segundo concreta o Sergas, declaráronse 78 falecementos con gripe, todos eles coa vacina indicada e non a recibiran o 43,6 por cento.


En canto á vixilancia microbiolóxica, o informe do Sergas reflicte que de 729 mostras que se analizaron gripe en laboratorios, dúas foron positivas para o virus da gripe B e 271 positivas para gripe A, das que se subtiparon 126, das que unha foi positiva para o virus da gripe AH1N1 e 125 para o AH3N2.


Deste xeito, a porcentaxe de mostras de gripe positivas foi nesta semana dun 37,4 por cento, menor que o observado nas tres semanas previas. Por iso, o Sergas indica que a difusión "segue en epidémica", con intensidade baixa e tendencia decrecente.


CHAMADAS


Nesta última semana o número de chamadas atendidas no 061 por gripe e outras infeccións respiratorias (IRA) descende respecto da semana anterior e mantense "nunha intensidade baixa", segundo sinala o Sergas.


Con respecto á semana anterior, o número de chamadas semanais por gripe e IRA "mantense estable", segundo se especifica no informe, na provincia da Coruña e baixa no resto.


Por grupos de idade mantense estable nos grupos de 0-4 e de 5-19, e baixa no resto --20-44, 45-64 e de 65 anos en diante--.

relacionada SOS Sanidade Pública, ante os colapsos: "Non é a gripe, son os recortes"
relacionada O 90% dos servizos de Pneumoloxía nos hospitais estiveron sobreocupados pola gripe
relacionada Galicia superou a semana pasada "o pico da onda" da epidemia de gripe

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress