"Trump é unha especie de maldición que caeu sobre o mundo"

O Alto Comisionado da Marca España, Carlos Espinosa de los Monteros, cre que o presidente de Estados Unidos, Donald Trump, é "unha especie de maldición que caeu sobre o mundo" e consideraría unha "traxedia para o mundo" que continúe polo "camiño" emprendido de "pechar o país sobre si mesmo" e contrario á liberdade comercial.

Así o afirmou durante a súa intervención en Santander, onde participou no Foro Económico do Diario Montañés, no que cualificou de "tremendamente preocupantes" as primeiras medidas tomadas por Trump.

Espinosa de los Monteros cre que estas medidas están "afastadas das ideas que fixeron ao mundo progresar", que son as que, ao seu xuízo, viran ao redor da "liberdade".

O Alto Comisionado do Goberno para a Marca España defendeu que os países que se pecharon sobre si, "sen excepción", desencadearon "pobreza, dentro e fóra".