Galicia estará presente nos Xogos Mundiais de Persoas Trasplantadas
A directora de Ados destacou a importancia de iniciativas destinadas a promover a doazón en todos os ámbitos, especialmente no deportivo.
A Axencia de Doazón de Órganos e Sangue (ADOS) acolleu este venres a presentación dos deportistas galegos que participarán na próxima edición dos Xogos Deportivos Mundiais de Persoas Trasplantadas, que acollerá Málaga entre o 25 de xuño e o 2 de xullo.
A directora de Ados, Marisa López García, destacou a importancia de iniciativas destinadas a promover a doazón en todos os ámbitos da sociedade, especialmente no ámbito deportivo.
Así, destacou a participación de galegos como Vicente Selectos Cabezas, coordinador do Comité Local Organizador deste evento, e de Carlos Sánchez Montes e Javier González Enríquez.
Esta será a 21 edición dos Xogos Mundiais de Deportistas Trasplantados, un evento deportivo que se celebra cada dous anos e que promove a World Trasplant Games Federation.
Escribe o teu comentario