Galicia encabeza o aumento de traballadores afectados por ERE

|

Paroempregooficina


O número de traballadores afectados por medidas de regulación de emprego en Galicia subiu un 11,8% entre xaneiro e novembro de 2016 en comparación co mesmo período do ano anterior, ata un total de 6.357.


Deste xeito, mentres aumentan en Galicia os traballadores afectados, descenden en España un 15,9% ata quedar en 74.283. Así se desprende da Estatística de Regulación de Emprego xaneiro-novembro 2016 publicada polo Ministerio de Emprego e Seguridade Social este mércores.


Así, Galicia lidera o aumento de traballadores afectados, seguida de Andalucía (+10,6%), mentres se producín unha baixada en 13 das comunidades nos once primeiros meses.


Do total de traballadores afectados en Galicia, a maioría foron por suspensión de contratos, 4.109, que aumentaron un 10,8%, fronte á baixada do 16,1% en España.


Ademais, houbo 1.599 traballadores que sufriron despedimentos colectivos, neste caso dispáranse un 57,7% máis que no mesmo período do ano anterior, o cuarto maior repunte por comunidades, que contrasta co descenso medio do 2,7%.


Finalmente, a reducción de xornada afectou a 649 traballadores, un 32,8% menos. Aquí a media do descenso é do 39,2%.


DATOS ESTATAIS


No conxunto de España, o número de empresas que adoptaron medidas de regulación de emprego descenderon un 29,9% ata novembro de 2016. En concreto, un total de 3.673 empresas utilizaron estes procedementos, 1.570 menos que no mesmo período do ano anterior. Ademais, o número total de procedementos situouse en 4.896, cifra que é un 26,6% inferior á rexistrada en 2015.

relacionada Medio cento de traballadores denuncia un "ERE encuberto" en Política Social
relacionada Galicia rematou 2016 con 18.500 desempregados menos que o ano anterior

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress