Os contagios da área da Coruña tamén proceden de "viaxes ao Mediterráneo", recoñece a Xunta

Do mesmo xeito que admitiu onte co aumento de casos da área de Ourense, a Xunta xustifica o aumento de casos cunha viaxe de persoas maiores de 65 á costa mediterránea.

"Seguiremos facendo estudo caso por caso para coñecer se hai unha relación máis grande e pequena ou son casos illados de viaxes que se produciron de forma individual", manifestou Feijóo. 

Benidorm | Foto: EP

As autoridades sanitarias teñen confirmadas persoas contaxiadas por Covid tras viaxes á costa mediterránea, "tanto persoas que viven en Ourense e zonas perimetrais como persoas que viven na cidade da Coruña", segundo expuxo o presidente da Xunta, Alberto Núñez Feijóo, na rolda de prensa posterior ao Consello de la Xunta.

Preguntado polas excursións a Benidorm detrás do repunte de casos que rexistra a área sanitaria de Ourense nos últimos días, sumou tamén un incremento de casos na Coruña, "vinculados con viaxes á costa mediterránea".

"Seguiremos facendo estudo caso por caso para coñecer se hai unha relación máis grande e pequena ou son casos illados de viaxes que se produciron de forma individual", expuxo Feijóo, quen precisou que, do sistema de rastrexo, non teñen confirmación "se o maior número de casos proceden de viaxes ou outras cuestións".

"Veremos se é un brote único ou se forma parte do conxunto de brotes", apuntou Feijóo, quen admitiu que lles gustaría que fose "único" para facilitar o seguimento. "Pero ás veces son brotes dispersos e non é tan sinxelo", recoñeceu.