Iniciativa para resolver os problemas da Atención Primaria

Xosé María Dios Diz
Médico especialista de Atención Primaria de Outes.

Médico especialista de Atención Primaria de Outes. Plataforma SOS Sanidade Pública.

“Os bos e xenerosos, a nosa voz entenden 

e con arroubo atenden, ou noso rouco son. 

Máis sí os iñorantes e féridos e duros, 

imbéciles e escuros, non nos entenden, non”. 

Himno de Galiza. Eduardo Pondal (1835-1917): Vos Piñeiros.


A Federación de Asociacións para a Defensa da Sanidade Pública, da que forma parte a Asociación Galega para a Defensa dá Sanidade Púbica, e que engloba a todas as Asociacións Autonómicas, está a levar a cabo unha iniciativa para promover un debate en todo o estado español de como mellorar a AP, piar básico da asistencia sanitaria ás persoas.


Este Manifesto, avalado por múltiples profesionais que traballan neste sector, elaboramos un Documento que, primeiro a nivel individual, e que logo estará aberto a diferentes entidades, asociacións de pacientes, de familiares de pacientes, colexios profesionais, sindicatos, partidos políticos, entidades culturais, veciñais, organizacións profesionais, científicas, etc. e que ten por obxectivo: instar as autoridades sanitarias a recoñecer que temos un problema: o desmantelamento sistemático da AP desde hai moitos anos, xunto a falta de investimento. Esta iniciativa levará a unha segunda fase: poñer solución, entre todos e por consenso a este problema de saúde, empezando por unha administración cicatera nos seus orzamentos para o ben máis prezado que temos que é a saúde!


No momento actual, non se albisca un paradigma alternativo á AP, pero hai moitas decisións que minan a súa estrutura, as súas capacidades e o seu prestixio; por iso pensamos que hai que facer algo. O documento, fai unha análise crítico da situación e propón medidas concretas para lograr unha AP aberta, accesible, equitativa e de calidade, que responda os problemas e necesidades de saúde da poboación. O obxectivo final é promover unha gran Alianza Social e Sanitaria para evitar o colapso de nosa AP.


O informe, pretende suscitar un debate amplo entre xs profesionais, que esperanza de influír nas políticas públicas.


1.- Recuperar o recortado nos últimos anos, incrementando o orzamento ata o 25% do total, así como os persoais de persoal, eliminando as trabas de acceso a probas diagnósticas e terapéuticas. Ofertar Emprego Público Estable e de calidade con suficiente periodicidade e dando Estabilidade aos persoais.


2.- Garantir uns Centros de Saúde abertos, accesibles, próximos a toda a poboación e sen listas de espera.


3.- Dar prioridade ás consultas presenciais, fundamentais para lograr unha eficaz relación profesional/paciente e unha atención de calidade. As consultas telefónicas e telemáticas deberán ter un papel complementario.


4.- Incorporar novos profesionais aos equipos de AP (fisioterapia, matronas, saúde mental, logopedia, atención temperá, farmacoloxía clínica…).


5.- Incrementar o persoal das áreas de admisión, formalo adecuadamente para mellorar a relación entre a comunidade e garantir, en estreito contacto co persoal asistencial, a distribución das demandas de atención nos Centros.


6.- Desmedicalizar e Desburocratizar a AP.


7.- Mellorar a relación co nivel hospitalario, potenciar os Procesos Asistenciais como base da atención de saúde, coordinados desde a AP, incrementando a súa capacidade resolutiva.


8.- Desarollar a orientación comunitaria nos centros de saúde con colaboración de Saúde Pública e a consideración dos Determinantes Sociais de Saúde.


9.- Transformar as Áreas Sanitarias para que se convertan no espazo para a integración de todas as actuacións e actividades asistenciais.


10. Garantir a participación e empoderamento dos cidadáns.


11.- Promover o nivel de intelixencia da AP potenciando as actividades formativas, docentes e de investigación, con recursos e equipamento propio e suficiente.


Esperamos, desde a FADSP que a apertura deste debate leve á mellora da AP o que significará que seguimos protexendo o ben máis prezado que temos: a saúde!


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Máis opinión
Opinadores

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE