Gobernar a Deputación e o concello de Lugo son os obxectivos do novo mandato de Candia no PPdeG

O PP o galego culmina os seus congresos provinciais renovando a todos os actuais líderes co desafío de recuperar algo do poder urbano que domina a esquerda

A presidenta do PP de Lugo, Elena Candia. 

A presidenta provincial do PP lucense, Elena Candia, volveu a insistir este venres en que se marca como obxectivo "recuperar" os gobernos da Deputación e do concello de Lugo nas próximas eleccións municipais.

Unhas declaracións que realizou tras ser proclamada a única candidata a presidir o PP de Lugo no congreso provincial que se celebrará o 19 de setembro, e que lle permitirá revalidar o seu liderado.

A que presidise tamén a Deputación de Lugo durante tres meses, en 2015, apelou a que "son moitos anos de socialismo na provincia e no goberno local e realmente as cousas non van a mellor".

"Está a castigarse, dunha forma inexplicable, o centro histórico de  Lugo e ao pequeno comercio" 

"Creo que se está castigando, dunha forma inexplicable, o centro histórico de (cidade) Lugo e ao pequeno comercio. A xente está desilusionada, está enfadada. Vas pola rúa e cóntancho, decisións que non entenden os veciños e que afectan á actividade económica", afeou, neste caso, ao goberno local.

Tras moitos anos, esgrimiu, que "despois deste tempo pódese facer balance e obxectivamente este proxecto político, o PP de Lugo, merece gobernar".

MOCIDADE E EXPERIENCIA
Da Deputación presidida polo socialista José Tome, asegurou que nesta institución "vívese de rendas, non hai ningún proxecto novo que se presentou". Ademais, acusa de "sectarismo" á deputación de Lugo, por beneficiar a aqueles municipios do seu mesmo cor político,.

Elena Candia concluíu que "vén unha nova etapa onde fomos capaces de construír un equipo máis grande, un equipo mellor que combina mocidade e experiencia".