50 millóns de doses máis da vacina de Pfizer desde xa para a Europa tras os paróns de Janssen e Astrazeneca

|

Von der Leyen asegura que BioNTech - Pfizer entregará un 25% máis de vacinas das previstas, 250 millóns no canto dos 200 acordados para este cuadrimestre. 


A presidenta da Comisión promete que as novas doses empezarán a chegar leste mesmo mes de abril. 



Von der Leyen realizando o anuncio sobre as vacinas




A Unión Europea chegou a un acordo con BioNTech e Pfizer para adiantar ao segundo trimestre deste ano a entrega aos Estados membros de 50 millóns de doses da súa vacina contra a Covid-19 cuxa distribución estaba prevista para o últimos tres meses do ano.


Desta forma, a subministración destas dúas compañías ao bloque entre abril e xuño ascende a 250 millóns de doses, desde os 200 millóns contemplados ata o de agora. A UE reacciona desta forma á suspensión das entregas por parte de Janssen e os problemas de produción que desde o inicio da campaña experimentou AstraZeneca.


"Podo anunciar que chegamos a un acordo con BioNTech e Pfizer para acelerar a entrega de 40 millóns de doses, que serán distribuídas no segundo trimestre", informou a presidenta da Comisión Europea, Ursula von der Leyen, nunha declaración sen preguntas.






A alemá destacou que nas últimas semanas a UE acelerou a campaña de vacinación e este martes alcanzou os 100 millóns de persoas vacinadas (das que 26 millóns conta coa pauta completa). "É un fito do que estar orgullosos", sentenciou.


Ursula von der Leyen @ep


"É unha boa noticia, pero como podemos ver co anunciou de Johnson & Johnson, aínda hai moitos factores que poden alterar o calendario planificado de repartición de vacinas. Por tanto, é importante actuar rapidamente, anticiparse e axustar cando sexa posible", engadiu ao xefa do Executivo comunitario.


Do mesmo xeito que o resto de dose, os 50 millóns de unidades que se adiantarán a estas semanas tamén serán repartidas entre os Estados membros en función da súa poboación e "axudarán substancialmente a consolidar o desenvolvemento das campañas de vacinación".


NOVAS NEGOCIACIÓNS


Von der Leyen, agradeceu a Pfizer e BioNTech o esforzo e remarcou que ambas as compañías con "socios fiables", confirmou ademais que Bruxelas está a negociar con elas para concluír unha nova compra da súa vacina contra a Covid-19 para cubrir futuras necesidades do bloque.


En concreto, a UE quere adquirir outros 1.800 millóns de doses que recibiría en 2022 e 2023 e coas que pretende cubrir a posibilidade de que sexan necesarias novas inxeccións para "reforzar e prolongar a inmunidade", así como para conter novas variantes do virus que poidan xurdir.


"Tendo isto en mente, temos que centrarnos en tecnoloxías que demostraron a súa valía e as vacinas de ARNm son un exemplo claro", defendeu a alemá, quen confía en que as conversacións cos laboratorios conclúan "moi rápido" e non descartou a apertura de negociacións con outras farmacéuticas.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress