Axudas para deportistas convocadas hoxe polo Concello da Coruña

A Administración amplía o orzamento das subvencións, polo que este ano poden chegar a máis dos 65 beneficiados na anterior convocatoria

O Concello da Coruña aprobou, en Xunta de Goberno, as bases reguladoras da convocatoria pública de concorrencia competitiva das bolsas para as e os deportistas da cidade, segundo informa.

O importe global das bolsas ascende a 90.000 euros, "30.000 euros máis que na anterior convocatoria en que se concederon 65 bolsas", explica.

Con elas, segundo a concelleira de Deportes, Mónica Martínez, preténdese a súa participación en "competicións deportivas de alto nivel". Tamén valorou o traballo realizado polo Servizo Municipal de Deportes para que a convocatoria estea aprobada antes do final do primeiro trimestre.

Noutra orde de cousas, o Concello da Coruña informou dos traballos de reparación do reloxo do Palacio Municipal de María Pita para que poida "volver soar na primavera". Unha empresa coruñesa é a encargada de realizar os traballos de restauración da maquinaría que levaba 20 anos funcionando tan só con labores de mantemento.