A Xunta anuncia unha futura "compra masiva" de máscaras adaptadas para persoas xordas

A conselleira de Política Social afirma que será "inminente" a vacinación do persoal de centros de menores

|

O Goberno de Galicia cumpre así unha demanda das persoas que sofren esta discapacidade e que, con motivo da pandemia e o uso obrigatorio de máscaras, experimentaron máis dificultades para comunicarse. 


Doutra banda, desde Política Social confirmaron que a vacinación do persoal dos centros de menores é "inminente". 


Arquivo - Marcos Lechet, persoa xorda pedindo a homologación das máscaras transparentes que permiten a lectura labialFoto: EP


A conselleira de Política Social, Fabiola García, anunciou a "compra masiva" de máscaras adaptadas ás persoas xordas, tras a súa homologación por parte do Goberno central, na visita que realizou á Federación de Asociacións de Persoas Xordas de Galicia (FAXPG).


Nela, e a preguntas dos xornalistas, cualificou tamén de "inminente" a vacinación do persoal de centros de menores de Galicia, ao ser preguntada pola denuncia dos sindicatos CIG, CCOO e UXT que esixiron a incorporación destes profesionais ao calendario de vacinas.

Sobre esta cuestión, indicou que a Consellería xa deu traslado da listaxe dos citados centros. "E cónstanos que será inminente esa vacinación, algo que é necesario porque é un servizo residencial de máxima calidade para atender aos menores de Galicia", remarcou.

A conselleira realizou estas manifestacións nunha visita á sede da Federación de Persoas Xordas, en concreto ao estudio no que se gravan noticias adaptadas á linguaxe de signos sobre asuntos de interese xeral, como as restricións pola Covid-19 ou outras medidas vinculadas coa pandemia.

No acto, incidiu no feito de que, tras as demandas das persoas xordas, o Goberno central homologase as máscaras transparentes e avanzou que a Xunta realizará "unha compra masiva" das mesmas. Para a súa posterior distribución, engadiu, entre as persoas xordas de Galicia, en colaboración coa Federación que agrupa a este colectivo.

Por outra banda, na súa visita aludiu a outras actuacións postas en marcha pola Administración autonómica como o financiamento de intérpretes que acompañen ás persoas xordas nas súas xestións, así como medidas para facilitar o seu acceso aos servizos sanitarios.


SITUACIÓN NAS RESIDENCIAS

Mentres, preguntada sobre a situación nas residencias de maiores, destacou que o domingo se pechou o día "cun 0,1% de incidencia de coronavirus".

"O que demostra o éxito da vacinación", remarcou Fabiola García quen vinculou con esta situación a flexibilización das medidas sobre as saídas á rúa ou a visita de familiares. "É o preludio do que será a vacinación no resto da poboación", argumentou.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE