O caldo galego ilustra o cupón da ONCE para o sorteo deste sábado

A gastronomía galega, un dos grandes atractivos da comunidade, será unha das encargadas de "repartir sorte" este sábado.

O cupón corresponde a sériea 'Pratos de culler' pola que xa pasaron a fabada asturiana ou as sopas de allo de Castela e León.

O caldo galego protagoniza o cupón da ONCE do sábado 16 de xaneiro, dentro de sériea 'Pratos de culler', segundo informa a organización que explica que cinco millóns e medio de cupóns difundirán esta proposta gastronómica. Coa ONCE colaborou a Xunta de Galicia.

A serie de cupóns 'Pratos de culler' comezou o pasado mes de outubro para convidar a degustar os caldos e guisos máis típicos das diferentes comunidades e cidades autónomas.

Son 19 cupóns pertencentes aos sorteos dos sábados. O obxectivo, sinala a organización, é "promocionar eses pratos da cociña tradicional".

En toda a serie, inclúense pratos típicos como o cocido con cabaza de Andalucía, as borraxes con ameixas de Aragón, a fabada de Asturias; a potaxe de berros de Canarias ou as sopas de allo de Castela e León, entre outros.