Alcoa traslada aos empregados a súa disposición de vender a planta de Cervo á SEPI
Tras varios meses de protestas e varapaljos xudiciais que mesmo tiraron por terra o ERE de Alcoa, agora a multinacional estadounidense ábrese a vender a planta lucense.
Esta mesma mañá o comité de empresa recoñeceu que a única vía para levantar a folga era que a compaía sentase a negociar a venda da planta, algo que agora podería estar máis preto que nunca.
Alcoa trasladou aos traballadores da planta de Cervo (Lugo) que está disposta a "explorar de novo" a venda á sociedade estatal de participacións industriais (SEPI) se termina a folga indefinida que dura xa uns tres meses.
Así consta nunha comunicación aos empregados do presidente da multinacional en España, Álvaro Dourado, quen sinala como obxectivo "atopar unha solución" á factoría da Mariña.
Este luns a compañía comunicou ao comité de empresa que "está disposta a explorar de novo a súa venda á SEPI, tal e como o Goberno e os representantes dos traballadores viñeron demandando, na medida en que a folga se dea por terminada e o proceso poida desenvolverse nun ambiente de normalidade e paz social".
Por iso, convocará ao comité a unha reunión este xoves 7 de xaneiro. "Alcoa, como sempre, continúa aberta ao diálogo tanto cos representantes dos traballadores como cos representantes institucionais, e mantén o seu compromiso de asegurar o mellor resultado posible para os seus traballadores", asegura.
Fuentes da empresa sinalaron a Europa Press que esta disposición para dialogar está supeditada a que a operación se negocie "en termos comerciais razoables de venda dentro deste sector".
DECISIÓNS XUDICIAIS
As decisións xudiciais en contra da empresa e a favor das demandas de sindicatos e comité marcaron os últimos meses no conflito aberto pola intención da multinacional de pechar a fábrica de aluminio.
Así, primeiro a xustiza adoptou como medida cautelar a imposibilidade de que Alcoa parase a cuba e logo declarou nulo o despedimento colectivo para máis de medio milleiro de traballadores.
Escribe o teu comentario