Galicia ás portas de rebaixar a súa positividade por baixo do 5% mentres baixan os positivos e soben as altas

|

A comunidade experimenta unha xornada cuns moi bos datos de coronavirus que provocan o maior descenso no conxunto de Galicia en varias semanas. 


A alza de altas médicas e o descenso de novos positivos provocaron que a comunidade sufra a terceira maior caída do mes no capítulo de casos activos: 241 menos en 24 horas.



O descenso de casos iniciouse o 7 de novembro. Desde entón, o 11, con 315 casos menos, e o 14, con 256, foron as xornadas coas baixadas máis pronunciadas, á que segue este sábado no terceiro caixón do podio. Ademais, os positivos hoxe son 355 despois de tres días seguidos por encima dos 400 casos. 


O conxunto das áreas galegas descende esta xornada no número de casos activos, coa condición de Lugo que suma cinco máis. Esta desescalada ten a súa repercusión na media móbil semanal, que lanza un descenso do -1,3%. 



POSITIVIDADE EN DESCENSO

As PCR, en cambio, si son menos en comparación co día anterior, aínda que é a terceira cifra máis alta da semana neste campo: 7.005. A positividade esta xornada é do 5,07%, ao bordo do 5% que marca a OMS. Esta melloría provoca que a media semanal tamén se achegue ao valor que marca a Organización Mundial da Saúde, cun 6,11% nestes momentos. 


A outra boa noticia é que a incidencia acumulada en 14 días cae, por primeira vez desde o 27 de outubro, por baixo dos 250 casos por 100.000 habitantes. Pasou un mes desde que Galicia comezou esa escalada que a levou a un tope de 334 casos por 100.000 habitantes, e con est 245 por 100.000 habitantes parece que a comunidade por fin empeza a ver como as medidas empezan a dar os seus froitos. 


BAIXA A PRESIÓN HOSPITALARIA

Doutra banda, as cifras que si aumentan son as altas médicas: 592, 30 máis que onte. Esta alza nas altas viuse traducida nun descenso nos hospitalizados e nas camas de UCI ocupadas. Este alivio na presión hospitalaria mantén a Galicia nunha situación moito máis favorable se a comparamos con outras comunidades. Hoxe son 382 as camas ocupadas por pacientes COVID.


Con todo, hai que lamentar unha ducia de decesos nas últimas 24 horas. En Galicia faleceron 1.191 persoas a causa do coronavirus desde o inicio da pandemia segundo as cifras oficiais. 





Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress