A desaparición de Birutis contribúe á primeira derrota do Obradoiro en Bilbao (vídeo)
Robertson, suplente pero con 17 puntos, foi o mellor do Obradoiro en ataque, pero ten moito que mellorar aínda no outro lado da cancha.
O pivot foi o MVP da ACB en setembro, pero fronte ao Bilbao Basket só logrou anotar cinco puntos. Os de Santiago estiveron brandos en defensa e os vascos moi acertados desde a liña de 3. Robertson, suplente pero con 17 puntos, foi o mellor do Obradoiro en ataque, pero ten moito que mellorar aínda no outro lado da cancha.
O Bilbao cultivou a primeira vitoria da tempada ante un Monbus Obradoiro que chegaba invicto. A clave foi un segundo cuarto para enmarcar dos vascos. O máis destacado foi a dirección de Hakanson (24 de valoración, con 12 puntos) e unha anotación moi distribuída.
Os vascos mantiveron ao Monbus Obradoiro a distancia toda a recta final. Extrañamente, os de Moncho Fernández estiveron frouxos na zona todo o partido. Recibiron ao final do encontro 54 puntos na pintura e permitiron demasiados rebotes en ataque. Un último triplo dun acertado Robertson maquillou un contundente marcador (99-81).
Moito deben mellorar os galegos para saír indemnes do próximo partido. Viaxan ata a pista do Real Madrid (domingo 11 – 12:30 horas), líder invicto.
Escribe o teu comentario