Vídeos: Así xoga Birutis, o xigante lituano que aúpa ao Obradoiro ao segundo posto da ACB
Birutis esnaquizando o aro no seu primeiro partido da ACB, cando foi elixido mellor xogador da xornada O seu papel é clave no gran despegamento do Obradoiro esta tempada.
Laurynas Birutis é o mellor xogador da liga ACB en setembro. O pivot do Obradoiro promedia case 20 puntos anotados por partido e unha valoración media de +28.
Birutis esnaquizando o aro no seu primeiro partido da ACB, cando foi elixido mellor xogador da xornada
O seu papel é clave no gran despegamento do Obradoiro esta tempada. Os galegos suman un ilusionante 3-0 neste arranque de tempada. A súa carta de presentación no primeiro encontro foi dificilmente mellorable: 27 puntos, 12 rebotes e un 42 de valoración, polo que gaño o MVP da xornada.
Tivo tamén un papel importante en última vitoria foi ante o Betis, que segue sen gañar ningún partido.
“É unha gran sensación e é un impulso para seguir traballando máis e aínda máis duro. Pasamos moito tempo sen xogar ao que máis nos gusta e é un pracer poder dar toda a miña enerxía para axudar ao equipo para gañar os partidos. Porque ese é o único obxectivo que teño en mente: seguir axudando ao equipo en todo o que poida en cada partido” declarou o deportista do Monbús Obradoiro e da selección de Lituania.
O pivote posúe, ademais dunha evidente fortaleza física coas súas 2,13 metros e case 115 quilos, un bo tiro a media distancia e boa coordinación preto do aro, o que lle permite xogar a miúdo por encima da canastra nas continuacións das penetracións dos juadores exteriores. En defensa, o seu poder intimidatorio é notorio, aínda que por agora na ACB só leva tres tapones.
Birutis continúa a tradución de fichaxes de homes altos foráneos descoñecidos antes de chegar ao Obradoiro e que dan un gran salto na súa carreira ás ordes de Moncho Fernández.
Sen dúbida é un talento precoz. Con só 20 anos gañou o título de mellor xogador da liga Lituana. Por agora, tamén é o MVP na liga española, só uns meses despois de aterrar no país.
Outra boa noticia para os santiagueses é que ten contrato por dous anos. Se as cousas seguen así, o Obradoiro teñen unha xoia no poste asegurada para dúas tempadas ou, como noutras ocasións, poderá facer caixa no verán para seguir o seu gran labor de fichar novos talentos semidesconocidos.
“Temos un gran espírito de equipo e pelexamos todos xuntos nos partidos. Só queremos seguir por este camiño e continuar competindo en cada duelo”, sentenciou tras recibir o premio de MVP do mes.
Escribe o teu comentario