Contaxio de coronavirus nun viaxeiro dun voo Madrid-Vigo provoca o illamento de 12 persoas

|

Unha persoa que chegou a Vigo nun avión  procedente de Madrid o sábado deu positivo de coronavirus. Hai 12 pasaxeiros do mesmo voo en illamento domiciliario, segundo acaba de confirmar o SERGAS a Galiciapress.


De acordo á versión dun dos illados , o voo de Iberia Express viña cheo, con centos de ocupantes. Con todo, só ordenouse o illamento dunha ducia de pasaxeiros, suponse os que sentaron máis preto do contaxiado.


Avión de Iberia Express


Por agora, non hai ningún positivo máis. Non o pode haber Xunta non lle realizou PCR a ninguén, pero si ordenou o illamento domiciliario deses 12 contactos próximos.

"Están a chamarme todos os días para preguntarme se estou ben, pero non queren facerme a proba a non ser que presente síntomas"



Polo menos un dos illados está molesto porque non lles realizaran o test. "Están a chamarme todos os días para preguntarme se estou ben, pero non queren facerme a proba a non ser que presente síntomas", indicou a Galiciapress un dos viaxeiros en corentena, que prefire non ver publicado o seu nome.


Quéixase especialmente porque desde que chegou a Galicia convive cun familiar de 90 anos e, logicamente, teme poder transmitirlle o virus.  O SERGAS envioulle un correo electrónico alertándolle do positivo no seu voo o domingo; cando o sábado, despois de aterrar, xa había comido e ceado coa súa familia.


A Consellería deféndese explicando que non realizar o test aos contactos próximos nun voo é  un "é protocolo estritamente médico de seguimento do control da pandemia". A Xunta asegura ademais que é unha norma que se aplica en toda España seguindo un "protocolo do Ministerio de Sanidade".


Aínda que o voo aterrou en Peinador, "non todos" os contactos próximos en corentena son da área de Vigo. Haberá que esperar pois uns días para saber se algún desenvolve síntomas e realízanlle o test PCR.


Iberia Express oupera a liña Madrid-Vigo cun Airbus A320. Ten unha capacidade para uns 153 pasaxeiros. Segundo o testemuño do contacto illado, o voo viña cheo polo que non se podía gardar a distancia de seguridade. Iso si, o viaxeiro sinala que todo o mundo levaba a máscara como é obrigatorio e que Iberia facilitoulles toallitas con xel hidroalcohólico.

relacionada ​O Goberno, preocupado polos brotes de COVID-19, lembra á cidadanía que o virus “non se foi”
relacionada Unha caída significativa de casos activos de coronavirus na área de Lugo corrixe a gráfica galega, de novo en descenso
relacionada ​O brote da Mariña perde 21 casos nas últimas 24 horas, onde tampouco se rexistraron novos positivos

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress