O comité de Alu Ibérica presiona ao Goberno para que despexe as dúbidas que rodean á venda das plantas

|

O comité de Alu Ibérica da Coruña e a Xunta urxen ao Goberno central a convocatoria dunha mesa de seguimento para "aclarar" a situación tras o anuncio de venda a Grupo Industrial Risco desta fábrica e a de Avilés.


Ruenión de comité de empresa de Alu Ibérica da Coruña co conselleiro de Economía, Francisco Conde


En declaracións a Europa Press tras un encontro en Santiago co conselleiro de Economía, Francisco Conde, o presidente do comité da Coruña, Juan Carlos López Corbacho, incide na necesidade da "intervención" das plantas, co nomeamento dun xestor pola parte estatal e autonómica para que se garantan os investimentos e o emprego.

López Corbacho cre necesario "fiscalizar ese proceso" e que se reúna a mesa industrial en Madrid, xa que os traballadores están "preocupados" polo seu futuro.


POSTURA DA XUNTA

O conselleiro de Economía, Francisco Conde, instou á nova dirección de Alu Ibérica a presentar canto antes por escrito o seu plan industrial ante todas as partes e nunha mesa convocada polo Goberno, cun compromiso "explícito e con transparencia".

Ademais, sostén que a solución pasa por que o Goberno central asegure un prezo eléctrico competitivo, cun estatuto par as electrointensivas que garanta estabilidade ao sector

Así, censura a "deslealdade" e "falta de respecto" do Goberno, porque "non dá resposta nin solución á situación das empresas electrointensivas da Comunidade, como é o caso de Alu Ibérica ou Alcoa en San Cibrao".

Conde reprocha que o Estado está "a utilizar a transición enerxética como escusa para abandonar á industria e ao emprego", co risco para o emprego de 5.000 familias do aluminio en Galicia.


GRUPO RISCO DENUNCIA "IRREGULARIDADES"

Pola súa banda, a nova dirección de Alu Ibérica detectou ao longo da súa curta xestión de mes e medio nas fábricas "numerosas irregularidades por parte dos xestores anteriores nas plantas de Avilés e A Coruña", segundo informou Grupo Industrial Risco a través dunha nota de prensa este martes.

A este respecto, López Corbacho dixo que os traballadores levan tempo denunciando a xestión "desastrosa" por parte de Alcoa sen facilitáseselles "documentación" sobre as contas, polo que Grupo Risco "non vén descubrir nada novo". "Que fagan o que teñen que facer", afirmou, pero remarca que debe "investigar" tamén ao seu "socio" Parter polo incumprimento de investimentos nestes meses.

Tamén lembra que Grupo Risco volve contar co director que tivo a fábrica entre 2010 e 2020, José Gil Fernández-Pulpeiro, cunha "xestión catastrófica", polo que se pregunta "se se van a denunciar a eles mesmos".

O comité de empresa de Alu Ibérica da Coruña presentou o pasado venres denuncia ante Inspección de Traballo para que investigue a situación da compañía despois de que Parter anunciase a venda desta antiga planta de Alcoa e a de Avilés a Grupo Industrial Risco.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress