​Os recursos dos concellos para controlar o aforo das praias “non nacen como grelos nunha horta”, critica o presidente da Deputación da Coruña

O presidente do organismo provincial, Valentín González Formoso, manifestou a súa desconformidade coa ferramenta ofrecida pola Xunta e avoga por explorar outras solucións.

González Formoso

A proposta da Xunta de Galicia para limitar o aforo das praias galegas e manter un certo control nos areais da comunidade en plena crise do coronavirus non recibiu moitos respaldos de momento. Son moitas as voces que declinaron xa a proposta lanzada desde San Caetano. Abel Caballero, por exemplo, considerou que era imposible aplicala nas praias de Vigo e outros rexedores buscan outras medidas. O último en sumarse a esta liña foi Valentín González Formoso, alcalde das Pontes e presidente da Deputación da Coruña.

Durante unha conversación con Radio Galicia, González Formoso considerou que a proposta para o control do aforo por medio dunha aplicación é “inviable” nas praias da Coruña. “Os alcaldes e alcaldesas non teñen unha varia máxica para que de súpeto aparézanlles recursos e solucións coma se fosen grelos nunha horta”, expón o rexedor pontés.

Nese sentido, á falta de medios, persoal e recursos, o presidente da Deputación coruñesa fai fincapé en que os municipios teñen que cinguirse a orzamentos “aprobados con anterioridade ao coronavirus, onde os recursos son os que son” e que por tanto as limitacións técnicas a día de hoxe fan imposible esa solución. “Controlar o aforo á praia de Valdoviño…río eu desa aplicación”, resolveu o mandatario. 

Praia de Meirás en Valdoviño