Pesar polo falecemento do xefe do parque de bombeiros de Arzúa cando volvía de tarefas de desinfección

|

A Deputación da Coruña mostrou "o seu profundo pesar" polo falecemento do xefe do parque de Bombeiros de Arzúa, Bruno García, pertencente ao Consorcio Provincial Contra Incendios e Salvamento da provincia.



O servizo de bombeiros da Coruña incorpora un sistema de comunicacións digit



Segundo informa, faleceu este mércores "mentres volvía de realizar tarefas de desinfección como medida de prevención contra a COVID-19 nas proximidades do cárcere de Teixeiro, no Concello de Curtis".


O presidente da Deputación, Valentín González Formoso, mostrou, en nome de toda a corporación provincial, as súas condolencias, ademais de enviar unha mensaxe de "ánimo e forza" á súa familia, amigos e compañeiros do Consorcio Provincial Contraincendios.



Do falecido, destaca que era "un home moi querido entre os bombeiros", á vez que agradeceu "o compromiso e esforzo ao longo da súa carreira".


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress