​​O coronavirus, Torra e os números que non cadran

Hai uns anos, non tantos, cando non existían teléfonos móbiles, tablets e computadores, os nenos, en clase de matemáticas, utilizaban a súa materia gris e outros os seus dedos para realizar calquera operación numérica tiñan que pensar e mesmo algúns presumían de sumar máis rápido que os seus compañeiros. Coa chegada destes novos produtos tecnolóxicos, as novas xeracións utilizan estas ferramentas para facer calquera operación, é bo ou malo?

Non existe unha unanimidade entre os expertos e cada un ten unha opinión. Alguién dixo que "aprender coa tecnoloxía e as pantallas fai aos nenos máis intelixentes". Non todos comparten esta afirmación. Crecer no medio das novas tecnoloxías non fai ás persoas máis intelixentes: faios máis habilidosos e posibilita a multitarea, que non é o mesmo.

Con “equipos” tecnolóxicos que utilizan tamén os maiores, tense tempo para pensar ?, creo que non e iso non é bo. Dicía Quino, o gran debuxante e contador de historietas arxentino, pai de Mafalda que “Non é necesario dicir todo o que se pensa, senón pensar todo o que se di”, non lle faltaba razón.

Quizais por iso das novas tecnoloxías, a moitos dos nosos políticos esquecéuselles contar, ou aproveitan os “números” para seguir facendo política partidista.

As cifras que facilitan tanto o goberno de Pedro Sánchez como os distintos gobernos autonómicos de afectados e mortos polo coronavirus non cadran, esquecéronse de contar e os programas informáticos suman mal? Pode ser iso, non o dubiden, non hai mala intención.

O goberno da Generalitat, parece que suma ben, é máis, mellor que ninguén no mundo cando lle interesa. Coa chegada dunha partida de 1.714.000 de máscaras, alguén interpretou que este número vai con segundas e o presidente e algúns conselleiros saíron rápidos a criticar a acción intencionada dos malvados Sánchez& Iglesias. Calquera escusa é boa para buscar a confrontación externa e interna co socio de goberno que cada día está máis canso de que se aproveite esta situación que afecta a dúas das súas consellerías e que o presidente Torra está a tentar sacar rédito político dunha situación como a que se está vivindo.

O presidente Torra non aprendeu nada dos efectos do covid-19 quizais porque el foi un dos privilexiados que foron atendidos inmediatamente, con varios tests incluídos, mentres miles e miles de persoas seguen esperando a ser chamados ou a que lles fagan o test. Pero non hai para facelos nin aos facultativos médicos de primaria.

“O fracaso é unha gran oportunidade para empezar outra vez con máis intelixencia”, adoitaba dicir Henry Ford, pero vese que hai dirixentes que non aprenden nada, ou quizais é que tampouco sabe contar ben os infectados e mortos que hai no país que di defender.