Atraso electoral en Galicia polo coronavirus? O PSOE lembra que se votou o 11M

O presidente da Xunta segue alimentando a posibilidade de solicitar atrasar as eleccións galegas debido á crise do coronavirus. Iso si, Alberto Nuñez Feijóo incide que aínda é temperán para tomar algunha decisión. Indecisión que está a suscitar malestar, polo menos no principal partido da oposición, que o acusa de sementar rumores.

Así, Gonzalo Caballero (PSdeG) envioulle unha carta de protesta por non convocar ao resto de partidos para informar das decisións adoptadas onte pola Xunta. Sobre a posibilidade do adianto, os socialistas lembran que, por exemplo, en España votouse poucos días despois dos atentados terroristas da o - Qaeda en Madrid o 11 de marzo de 2004 e que no País Vasco nunca se aprazaron unhas eleccións nin sequera durante os anos máis duros dos ataques de ETA.

Gonzalo Caballero con Abel Caballero, Carmela Silva e outros dirixentes do PSdeG este martes en Pontevedra 

Caballero acusou a Feijóo de xerar rumores e reclámalle garantir unha "posición de país", unha resposta unida fronte ao COVID-19. Os socialistas seguen coa súa axenda de campaña, aínda que suspenderon un gran mitin con Pedro Sánchez. 

É necesario lembrar que a Xunta, a pesar de que o Estado non o determinou, anunciou onte que recomendaba non celebrar eventos de máis de 1.000 persoas en Galicia,  o que na práctica impide eses grandes mitins con figuras de primeira liña da política estatal. Ao malestar do PSOE pode contribuír que Feijóo non informase oficialmente "ao principal partido da oposición", a pesar de que o  límite adoptado en San Caeatano inflúe relevantamente na campaña.

FEIJÓO SEGUE ESPERANDO A VER COMO EVOLUCIONA

"Estamos a traballar para manter as eleccións pero primeiro que calquera proceso electoral está a saúde", declarou esta mañá Alberto Nuñez Feijóo. O líder do PPdeG argumenta que hoxe si se poderían organizar os comicios, pero que ninguén pode saber a situación dentro de 4 ou 5 semanas. O mandatario sentenciou que "o primeiro é a saúde pública e o resto é secundario", declaración que mantén todas as portas abertas a un atraso.

Sería unha inxenuidade pensar que, por moita crise do coronavirus,  un eventual atraso nin ía provocar moita polémica. De feito, todos os partidos xa meteron baza, en menor ou maior medida.

O PP segue coa súa axenda electoral, tras cancelar a gran romaría desta fin de semana. O resto de forzas tamén seguen de campaña, aínda que o coronavirus copa todos os titulares.

Desde Galicia en Común se lanza unha mensaxe de apoio á Xunta en todas as decisións epidemiolóxicas que poida tomar. Sobre a polémica do atraso electoral, o seu candidato  Antón Gómez Reino sinala que "é fundamental que o proceso electoral celébrese con todas as garantías democráticas para a participación normal". É dicir, que en principio desde Podemos Galicia non verían mal un atraso, hipótese que ven bastante probable.

Desde o Bloque, a mensaxe é tamén de apoio ao Goberno na súa loita contra o coronavirus ,porque o primeiro é a saúde pública. Agora ben, Ana Pontón insiste en que Feijóo debería convocar xa a todos os contendentes á presidencia para darlles información de primeira man e "lanzar unha mensaxe de unidade". 

Así as cousas, ninguén está seguro se haberá ou non comicios en Galicia. Un dos factores que pode influír é un eventual atraso en Euskadi, autonomía máis afectada que a galega. Hoxe o lehendakari pediu que non se tome unha decisión desde un punto de vista política. Urkullu entende que decidir un atraso non lle correspondería tomalo a el, senón á Xunta Electoral Central. 

O que está claro é que calquera decisión que se tome terá un impacto políticol, dado o sensible que é a cidadanía ás cuestións de saúde pública. É algo que debe estar na mente de Pedro Sánchez, pois como lembrou hoxe Gonzalez Caballero, es o Estado o único que, no seu caso, dispón de mecanismos para pausar as eleccións, aínda que evidentemente a opinión de Feijóo e os seus rivais será clave.